困扰全世界人民嘅一个辩题芫茜究竟系香定臭

治疗白癜风哪家医院 https://wapjbk.39.net/yiyuanzaixian/bjzkbdfyy/

话说寻晚喺搞#羊城网16周年#庆生Party！美女+俊男+美食，认真和味咯！！！

Party完咗之后，作为广州交友小达人嘅阿咩，我梗系仲有下场啦！（其实系因为Party搞到好夜，于是同老世攞咗半日假，第二日下昼返工）夜麻麻又冻冰冰，最啱就系打返个边炉做宵夜！

但系估唔到，我只不过点咗一个芫茜，我就失去咗一段多年嘅友情...友情，竟然敌不过一碟芫茜！究竟芫茜有咩魔力，可以令一个人如此抗拒，宁愿用友情作为代价，都唔食？

芫茜，学名芫荽，一种蔬菜，又叫香荽、胡菜、原荽、园荽、芫荽、野香草、假香荽、缅芫荽等。因为“荽”嘅粤语发音同“衰”，意头唔好，所以喺粤语区好多人都读成芫茜（音同“盐西”或“元西”）。

芫茜咁香，点解咁多人唔中意食？其实同榴莲、臭豆腐呢类食品一样，有人觉得香，都有人觉得臭！大文豪欧阳修喺几百年前就已经讲：“芫荽味苦而寒，不宜喂之。”可以睇出，都有唔少人对芫茜都深恶痛绝！

如今，世界各地分为“誓死抵抗香菜联盟”同“捍卫芫茜权利联盟”！（唔好问点解有两班咁无聊嘅人…）。

“誓死抵抗香菜联盟”致力于传播世界各地各种“芫茜暗黑料理”、芫茜暗黑餐厅、食芫茜变态人士，传播各种食芫茜会治病嘅流言，务求“掰弯”钟意食芫茜嘅人，令佢哋讨厌芫茜！

下面请欣赏“誓死抵抗香菜联盟”发嚟嘅《芫茜暗黑料理之睇到都眼冤》：

而“捍卫芫茜权利联盟”就相反，佢哋不断宣扬食芫茜嘅各种益处同功效，传播各种芫茜美食、创新食法，务求令世界各地厌恶芫茜嘅人都可以对芫茜改观！

下面请欣赏“捍卫芫茜权利联盟”发嚟嘅《芫茜美食幸福大放送》：

经过咗寻晚嘅宵夜，我对友情、芫茜、甚至三观都有咗全新嘅认识：

咩叫真正嘅朋友？

真正嘅朋友，就系打边炉嘅时候，你点咗一碟香菜，佢仍然肯笑住同你打到最后，佢居然肯笑住同你AA，忍到返屋企先拉黑你......

点先算真正爱一个人？

真正爱一个人，就系佢食咗一大碟芫茜，而你依然肯同佢打茄轮，而且忍到返屋企先急住擦三次牙......

你系“誓死抵抗芫茜联盟”

定“捍卫芫茜权利联盟”呢？

喺留言区分享下你

钟意或厌恶芫茜嘅理由。

最具真情实感嘅前五位自己友，

阿咩会送出一份神秘礼品！

综合自香港高登论坛、百度百科、

互动百科、新浪新闻、新浪微博

廣古封：派一封利是，講一個故事……

廣古封丁酉年全新設計，每盒包含六款，吉利廣東俚語設計，最啱派利是豪气爽手嘅老世！手機掃描背面二維碼，即刻挑戰，今年拜年同兄弟姐一齊鬥智啦！

零售價：￥48文/盒

點擊底部或掃描二維碼即可掃貨

淘寶購買搜索店鋪

團購或定制請聯繫：--